Dbus eta Gipuzkoako Garraioko Lurralde Agintaritza (GGLA), Baionako Aglomerazioko Garraio Sindikatuarekin batera (STACBA), E-MOBASK proiektuan parte hartzen ari dira Euskal Eurohiriaren garraio publikoaren erabilera bultzatzeko eta errazteko.

Proiektuan parte hartzeko hiru erakundeek eratu duten partzuergoa onartua izan da POCTEFA 2014-2020 programaren deialdian. Europako lurralde lankidetzarako INTERREG tresnaren zati bat da programa hau. Proiektuak 3 urteko iraupena edukiko du, 2018ko urtarrilaren 1ean hasiko da eta 1.182.358€-ko diru laguntza bat eskuratuko du. Ekintzak Donostia-Irun- Baiona igarobidetik zehar egingo dira.

• MUGI pertsonalizatua erabiltzen dutenentzako deskontuek gora egin dute: lehen 20 bidaietan, deskontua % 46koa izango da, eta 21. bidaiatik 50.era bitarte, % 57koa
• Hiri autobusetako paperezko billetearen prezioa bost zentimo igoko da
• Urtarriletik aurrera, haurrek doan bidaiatuko dute 6 urtera arte

Gipuzkoako garraio publikoaren tarifak %1,43 igoko dira 2018an. Horixe erabaki du Gipuzkoako Garraioaren Lurralde Agintaritzak gaur, urriaren 31n eginiko Batzar Nagusian, eta garraioa sozialki bidezkoagoa izateko politikari eutsi egingo dio.

GGLAk MUGI/Lurraldebus txartelen kudeaketa hobetzen jarraitzen du, bere izapidea herritarrei errazteko. Oraingo honetan, desgaitasun-txartelen (E txartelak) kudeaketa da erraztu duena, hain zuzen, uztaileko lehen astetik aurrera, talde horretako MUGI txartelen erabiltzaileek txartela berritzerakoan (2 urtez behin) edo txartel berria eskatzerakoan ez dute desgaitasun ziurtagiria aurkeztu beharko. Marisol Garmendiak, GGLAko lehendakariak, azpimarratzen duen moduan “Gipuzkoako Garraioaren Lurralde Agintaritzatik lan egiten jarraitzen dugu, MUGI txartelaren izapidea ahal den gehien sinplifikatzeko, horrela eskatzaileak ez dute hainbeste paper ekarri beharko eta talde espezifikoen berriztatzeak ia automatikoak izango dira, desgaitasun-txartelen kasu honetan bezala. Aurrera-pauso txikia baina garrantzitsua MUGIren erabiltzaileen erosotasunerako”.

2016ko abenduan Gipuzkoako Foru Aldundiko Gizarte Politika Departamentuaren eta GGLAren artean lankidetza-hitzarmena sinatu zen, datu-lagapenari buruzkoa. Hitzarmen honi esker, 2017an zehar beharrezko garapen informatikoak eginda, hemendik aurrera desgaituen txartelaren eskatzaileek ez dute aurkeztu beharko dagokion paperezko ziurtagiria, baizik eta nahikoa izango da eskaera orrian baimena ematea, GGLAk era automatikoan egiaztatu ahal izateko.

GGLAk jakinarazten du datozen egunetatik aurrera Mugi / Lurraldebus txartelen web/APP bidez egindako diru-kargak Dbus autobusetan aktibatu ahal izango direla. Honela, karga-mota hauek aktibatu ahal izango dira Dbusen, Lurraldebusen, Irungo, Errenteriako eta Zarauzko hiri autobusetan, Kutxabank kutxazainetan eta Pesako leihatiletan.

Zure Mugi/Lurraldebus txartela edozein momentutan eta edozein tokitatik errekargatu dezakezu Mugiren eremu pribatuan, APPetik edo webgunetik sartuta.

GGLAk betidanik egin du ONCErekin elkarlana, eta oraingo honetan ere parte hartu nahi izan du 2017ko ONCE Garraio Tour antolakuntzan.

Garraioa oso elementu garrantzitsua da itsuentzat eta bestelako desgaitasunak dituzten pertsonentzat, eta horregatik da beharrezkoa irisgarria izatea. Euskadiko ONCEren Astearen barruan antolatutako jarduera batean, garraiobideen arduradun eta agintariak itsuen larruan jarri dira.

Horretarako, parte-hartzaileek zirkuitu labur bat osatu dute, itsuka, gipuzkoako garraiobideetan (Dbus, Euskotren eta Lurraldebus); garraiobide bakoitzaren arduradunek antifazak jantzi, eta ONCEko teknikariek gidatu dituzte ibilbidean zehar.

Maiatzaren 4an “Nazioarteko Star Wars eguna” ospatzen dela eta, ‘May the 4th (Force) be with you’ (Indarrak lagun zaitzala) esaldiarekin bat etorrita, R2-KT robotak Donostiako Ospitaleko haurrei opariak eman dizkie, ASPANOGIri, Gipuzkoako Haur Minbizidunen Guraso Elkarteari, babesa emanaz. Ospitalera joateko, KaTy robotak Mugi txartel pertsonalizatua erabili du, autobusa Boulevard-en hartu ondoren.

R2-KT edo KaTy, Star Wars filmeetako R2-D2 robot kutunaren arrosa koloreko bertsioa da, kasu honetan, filmeen jarraitzaile sutsu diren Donostiako elkarte bateko kideek sortutakoa.