Mugikortasuneko, Turismoko eta Lurralde Antolaketako Departamentuak "Jarri zure bizikleta prest MUGIrekin" ekintza zabaldu du. Aurtengo edizioan Gipuzkoako 20 herritara iritsiko da, 2024ko edizioan baino zortzi gehiago, irailaren 15etik, astelehena, 24ra, asteazkena.
Hala iragarri du arloko diputatu Azahara Domínguezek. Gogorarazi du ekimen hori Mugikortasunaren Europako Astearen barruan sartzen dela, eta garraiobide jasangarriagoak erabiltzeak dakartzan onurei buruzko sentsibilizazioa duela helburu, bereziki garraio publikoa, bizikleta eta oinez egindako joan-etorriak, bai ingurumenerako, bai osasun publikorako onuragarriak direlako.

73. edizioan, Zinemaldia eta Gipuzkoako Garraioaren Lurralde Agintaritza (ATTG-GGLA) lankidetzan ariko dira, stand batekin Kursaalen eta escape room tematiko batekin Okendo Plazan

Bigarren urtez jarraian, Donostia Zinemaldiak eta Gipuzkoako Garraioaren Lurralde Agintaritzak (GGLA) indarrak batu dituzte, Gipuzkoako hiriburuko zinema-ekitaldi handiak iraungo duen egunetan garraio publikoaren erabilera eta jasangarritasuna sustatzeko. Bi erakundeen arteko lankidetza horrek Zinemaldiaren karbono-aztarna murrizteko duten konpromisoa indartzen du; gainera, Mugikortasunaren Astearen aldi berean gertatuko da.

Zinemaldia 2020an hasi zen ekitaldi jasangarriago baterako trantsizioa egiten, eta, murriztearen, birziklatzearen eta berrerabiltzearen arloan lehen urratsak eman ondoren, 73. edizio honetan berriro ere mugikortasun jasangarrian jarri du arreta, kontuan izanik horrelako ekitaldi batek guztira sortutako emisioen % 40 inguru mugikortasunari dagokiola.

2025eko uztailaren 29a – Gipuzkoako Garraioaren Lurralde Agintaritzak (GGLA) Guadiana Eurohiriko EGEko ordezkaritza baten bisita jaso du, AFOMEFen koordinazioaren bidez antolatua, Espainia–Frantzia–Andorra VI-A Interreg Programaren eta Resilient Borders – SP7 europar proiektuaren baitan. Ordezkaritza Eluska Renedo Illarregi GGLAko zuzendari nagusiak eta Miguel Ángel Páez Escamendi Eusko Jaurlaritzako Azpiegitura eta Mugikortasun Jasangarriko sailburuordeak —eta GGLAko presidenteordeak— hartu dute.

Azken asteotan, Gipuzkoako Garraioaren Lurralde Agintaritzak (GGLA), Azahara Domínguez lehendakariaren eskutik, funtsezko hainbat hitzarmen luzatu ditu, MUGI sistemaren jarraipena bermatzeko. Luzapen hauek Lurraldebus eta Euskotren bezalako operadoreei ez ezik, autobus urbano zerbitzua duten udalerriei ere eragiten diete —Arrasate, Eibar, Errenteria, Oiartzun, Oñati eta Zarautz, besteak beste—, eta horien bidez garraio publiko irisgarriago, koordinatuago eta eraginkorrago baten alde egiten da.

Legez aurreikusitako luzapenek lau urtera arteko iraupena izan dezakete, eta 2012an sinatutako tarifak integratzeko sistema ezartzeko lankidetza-protokolo orokorraren barruan kokatzen dira. Hitzarmen hauei esker, herritarrek MUGI sistemaren abantaila guztiez gozatzen jarraitu ahal izango dute: txartel bakarra, zonakatze komuna, erabileraren araberako deskontu progresiboak, kolektiboentzako hobariak eta doako transbordoak, besteak beste.

“Udalek MUGI sistemarekin duten konpromisoa berresten jarrai dezaten lan egingo dugu, eta herritar gehiagok abantaila horiez baliatzeko aukera izan dezaten”, adierazi du GGLAko presidenteak.

• Txartel hori Gipuzkoako garraio publikoan % 85,2ra iritsi da; beraz, sistema osatzen duten operadoreetan egindako hamar bidaietatik ia bederatzi MUGIrekin ordaintzen dira.

• Iaz, guztira, 153.937 MUGI txartel jaulki ziren, aurreko urtean baino 23.345 gehiago, hau da, 2013tik, txartel hori plazaratu zenetik izan den handiena. Horietatik 59.222 ohiko txartel pertsonalizatuak dira, eta mendekotasuna duten pertsonentzako 5.845 doako laguntzaile-txartel ere igorri dira.

• Azahara Domínguez, Gipuzkoako Garraioaren Lurralde Agintaritzako presidentea: "Berri bikaina da, 2023ko ezohiko datuen ondoren, MUGI sistemak hazten jarraitu duela 2024an Gipuzkoan, horrek garraio publikoa sustatzeko politikek funtzionatzen dutela eta gero eta jende gehiagok beren desplazamenduetarako garraio publikoa erabiltzen dutela esan nahi baitu. Eta horreterako, aitzindaria eta erreferentziazkoa den sistema bat erabiltzen dute, erabiltzaileentzat abantaila ugari eskaintzen dituena, hala nola erabileragatiko hobariak, doako transbordoak eta doakotasuna 12 urtetik beherakoentzat, herritar guztien garraio publikorako sarbidea demokratizatuz. MUGI sistema Gipuzkoa kohesionatuago baterantz aurrera egiteko bermea da, non pertsona guztiek aukera-berdintasuna izango duten beren bizi-proiektuak garatzeko. Horregatik, lanean jarraituko dugu gero eta operadore gehiagok bat egin dezaten sistema horrekin, eta, beraz, herritar gehiagok izan dezaten beren ontasun guztien onura ". 

Donostia, 2025eko maiatzak 5

• Batzorde horrek, halaber, Gipuzkoako Garraioaren Lurralde Agintaritzaren barruan Berdintasun Batzorde bat sortzeari ekingo dio.

• Gainera, GGLAko lehendakari Azahara Domínguezek eskatuko du ITG Batzordeak azter dezala MUGI sistemaren barruan doako transbordo bikoitza ezartzeko aukera.

• Azahara Domínguez, GGLAko presidentea eta Mugikortasuneko, Turismoko eta Lurralde Antolaketako diputatua: "Etengabe aldatzen ari den errealitate batean bizi gara, eta garraio publikoak etengabe entzun behar die erabiltzaileei, beren beharretara gero eta gehiago eta hobeto egokitzen den zerbitzua eskaintzeko. Hori dela eta, Erregelamendu Batzorde honen deialdiak aurrera egingo du, besteak beste, maskoten bidezko bidaiarekin, berdintasunarekin edo pertsona guztientzako garraio publikoaren irisgarritasun unibertsalarekin. Lanean jarraituko dugu garraio publikoa egunetik egunera zerbitzu hobea izan dadin, pertsona gehiagorengana iritsiko dena eta herritarren desplazamendu-beharrei erantzungo diena".