Gipuzkoako Garraioaren Lurralde Agintaritzak tarifak izoztea erabaki du azaroaren 2an egin zuen batzarrean. Tarifak bere horretan geratuko dira Mugi txartel pertsonalizatuetan, aldizkako txarteletan eta baita deskontu tarteak ere, 2017ko apirila eta 2018ko apirila bitartean.

Mugi pertsonalizatutako txartelen erabilera fidelizatzeko, 2017ko apiriletik aurrera txartel horiek eskainiko dituzten deskontuak Mugi anonimoarekin alderatuta desberdinak izango dira.

Urtero bezala, GGLAk alternatiba iraunkorren aldeko apustua egin du Europako Mugikortasunaren Astearekin, irailaren 16tik 22ra. Europako Mugikortasunaren Asteko (EMA) kanpaina aukera egokia da biztanleriari mugikortasun iraunkorraren alternatibak erakusteko eta hiriek dituzten erronkak azaltzeko. Helburua herritarren jarrera aldatzea eta Europarako garraio jasangarriagoa lortzea da.

Eusko Jaurlaritzako Garraio Azpiegituren Zuzendaritzak Gasteizko tranbiaren markesinak aldatzeko lanei ekin die, zerbitzua hobea emateko

Lan gehienak gauez egingo dira, garraio publikoko zerbitzu horren erabiltzaileei ahalik eta enbarazu gutxien egitearren. Hiru gau emango dituzte nasa erdian duten geltokiak aldatzeko, eta bost nasa albo batean dutenak aldatzeko. Orotara, tranbiaren ibilbide osoan egingo diren lan horien iraupena hamaika astekoa izango da.

MUGI APPa, Gipuzkoako osatuena

• Gipuzkoako garraio publikoaren informazio guztia eskura
• MUGI APPak erabiltzaile bakoitzaren beharrekin bat dator

Gipuzkoako Garraioaren Lurralde Agintaritza teknologia berrietara egokitu da eta komunikazioko bere ekosistema digital berria aurkeztu ostean, garraio publikoarekin lotutako aplikazioa sortu du. MUGI APPa da, Gipuzkoako osatuena eta Gipuzkoako operadore guztien informazioa biltzen duen bakarra.

Gaurtik aurrera, Euskotrenen sare nagusiaren trazatu osoan, tranbietan, funikularretan erabil daitezke EAEko hiru garraio-txartelak

MUGI, BAT eta BARIK txartelen elkarreragingarritasuna: Ana Oregi Sailburuak zuzentzen duen sailak hasitako prozesuaren xede

Eusko Jaurlaritzak eta Euskotrenek MUGI, BAT eta BARIK txartelen elkarreragingarritasuna abiarazi dute gaur Euskotrenek kudeatzen dituen Bilbo-Donostia-Hendaia trenbide-zerbitzuetan eta Amorebieta-Bermeo adarrean. «Gaurtik aurrera, hiru txarteletako edozein erabili ahal izango da Euskotrenen zerbitzu nagusian; beraz, bete egin dugu gure helburua, alegia, aurtengo lehen seihilekoan zehar abiaraztea», adierazi du Ingurumen eta Lurralde Politikako sailburu Ana Oregik.

Gipuzkoako Garraioaren Lurralde Agintaritzak Mugi txartelaren erabiltzeei zuzendutako ekosistema digital berria aurkeztu du
Mugiklub jaio da, Gipuzkoako kultura, kirola, aisialdia eta turismoa garraio publikoarekin bat egiten duen komunitate sozial berria
Laster APP Mugi sortuko da; funtzio gehiagorekin batera, garraio publikoan ibilbideak planifikatzea ahalbidetuko duen aplikazioa

GGLAk bere komunikazio digitalaren ekosistema aurkeztu du. Honakoak biltzen ditu: GGLAren webgunea, MUGIren webgunea, sare sozialak, ibilbideen planifikatzailea, App Mugi eta Mugiklub. Prentsaurrekoan izan ziren GGLAko Lehendakaria eta Lehendakariordea, Antonio Aiz eta Marisol Garmendia; Eluska Renedo-Illarregi GGLAko Zuzendari Orokorra, Eneko Goia Donostiako Alkatea, Itziar Epalza Merkataritza eta Turismoko Sailburuordea, eta Goizane Alvarez Gipuzkoako Foru Aldundiko Gazteria eta Kiroleko Zuzendaria.