• Gipuzkoako Garraioaren Lurralde Agintaritzako (GGLA) presidente eta Mugikortasuneko, Turismoko eta Lurralde Antolaketako diputatu Azahara Domínguezek azaldu duenez, ekimen honen helburua da, MUGIrekin izapide horiek egiteko herritarren eskura dauden hiru gune berri gehitzeaz gain, turistak udalerri gehiagotara iristea erraztea, eta, horrela, lurraldeko toki gehiagotan aukera ekonomikoak sortzea.

• Azahara Domínguez, Mugikortasuneko, Turismoko eta Lurralde Antolaketako diputatua eta Gipuzkoako Garraioaren Lurralde Agintaritzako (GGLA) presidentea: “Hitzarmen honi esker, Bidasoako turismo-bulegoak aliatu bihurtzen dira herritarrek MUGI txartela bertan kargatu edo txartel anonimoa eskatu ahal izan dezaten. Gainera, urte honetan Donostiaren ondoren jarduera turistiko handiena izan duen eskualdea Bidasoa izan da. Horregatik, bereziki garrantzitsua da Gipuzkoara iristen diren pertsonek udalerri gehiagotan aberastasuna sortzeko urratsak ematen jarraitzea, horrek enplegua sortzen duelako. Horretarako, garraio publikoa erabiltzea nahi dugu; izan ere, horrela, jasangarriagoak izateaz gain, ibilgailu pribatuan mugitzeak gure herrietan sortzen dituen eragozpenak eta presioak ere murrizten dira”.

• Legeak aurreikusitako luzapenak, beste lau urtera artekoa izan daitekeenak, udalerri honetan tarifa-integrazioaren sistemaren jarraipena bermatzen du, eta haren erabiltzaileek MUGIk eskaintzen dituen abantaila guztiez baliatzen jarraitzea ahalbidetzen du.

• Azahara Domínguez, GGLAko presidenta eta Mugikortasuneko, Turismoko eta Lurralde Antolaketako diputatua: “MUGI sistema funtsezko tresna dela erakutsi du Gipuzkoan mugikortasun-eredu irisgarriagoa, eraginkorragoa eta jasangarriagoa sustatzeko. Horregatik, ezinbestekoa da sistema honen parte diren udalerriek, Tolosak kasu, harekin duten konpromisoa berritzea, eta, aldi berean, ahalik eta sistema udalerri gehienetara hedatzen jarraitzea bultzatzea. MUGIrako sarbidea demokratizatzeak gero eta pertsona gehiagok haren abantaila guztiez baliatzeko aukera izatea esan nahi du: erabileragatiko hobariak, doako garraio-aldaketak, kolektibo jakin batzuentzako deskontuak edo 15 urtetik beherakoentzako eta mendekotasuna duten pertsonen laguntzaileentzako doakotasuna, besteak beste. Onura horiek herritar guztiengana iristea bermatzea, bizi diren udalerria edozein dela ere, Gipuzkoan aukera-berdintasuna sendotzeko modu bat ere bada, eta, aldi berean, pertsona guztien zerbitzura egongo den garraio publikoaren sare kohesionatuago, inklusiboago eta eraginkorrago baterantz aurrera egitea.”.

• Andu Martínez de Rituerto, Tolosako alkatea: “Hitzarmen hau ezinbestekoa zaigu gure eskumekoa den Hiribusak MUGI sistemaren parte izaten jarrai dezan. Horrela, interoperatibitatearen aldeko konpromisoa berresten dugu, Tolosan garraio publiko ezberdinen arteko koordinazioa, eta bide batez, areagotzea. Hitzarmen hau abiapuntua baino ez da, lankidetzan sakontzea eta guztiok konpartitzen dugun helburu nagusiago batena: garraio publiko guztiek gero eta erabiltzaile gehiago izan ditzaten”.

• Gipuzkoako Garraioaren Lurralde Agintaritzako presidentearen ustez, guraso bakarra buru duten familien kopurua "gorantz doa eta aintzat hartu behar dugu".

• Azahara Domínguez, Mugikortasuneko, Turismoko eta Lurralde Antolaketako diputatua eta GGLAko presidentea: "Garraio publikoak pertsona guztiek bizitzan aurrera egiteko aukera berdinak izan ditzaten laguntzen du. Gipuzkoan, MUGI sistemarekin eskubideen eta abantailen sare bat eraikitzen joan gara, gure lurraldeko errealitate sozialei hobeto erantzuteko. Sare hori zabaltzen jarraitu behar dugu, gero eta pertsona gehiagorengana irits dadin eta herritar guztiek kalitatezko garraio publikoa arrazoizko prezioan eskuratzeko aukera bermatuta izan dezaten".

Donostia, 2026eko ekainaren 18a.-Gipuzkoako Garraioaren Lurralde Agintaritzako presidente eta Mugikortasuneko, Turismoko eta Lurralde Antolaketako diputatu Azahara Domínguezek, Gipuzkoako Garraio Agintaritzaren batzarrean, guraso bakarreko familiak MUGI txartelarekin deskontu handienak dituzten kolektibo berezietan sartzeko aukera aztertzeko eskatu du. "Guraso bakarra buru duten familiak gero eta gehiago dira Gipuzkoan, eta, beraz, erakunde publikoek urratsak eman behar ditugu familia horiei behar duten arreta emateko", baieztatu du.

• Gipuzkoako Garraioaren Lurralde Agintaritzak 30 bat gazterekin probatu du nola funtzionatzen duen txartel digitalerako migrazioak eta bere erabilera. Aurreikusita dago datorren neguan MUGI birtuala errealitate izatea.

• Azahara Domínguez, GGLAko presidenta: “Gazteek asko irakatsi ahal digute gailu digitalekin zerikusia duen guztian, natibo digitalak direlako eta tresna horiekin oso modu naturalean ibiltzen direlako. Horregatik, guretzat garrantzitsua zen haien ezagutza, esperientzia eta trebetasunak kontuan izatea, MUGI birtuala hobetzen laguntzeko eta sistemak dauden beharrei benetan erantzutea lortzeko, behin martxan dagoenean”.

• Juncal Amunarriz, Bidasoa LHIIko zuzendaria: “Oso interestagarria izan da gure ikasleek ikastetxean egunero lan egiten dutenaren aplikazio praktikoa bizi izan baitute. Eta ikasten ari diren zikloen etorkizuna zein den ikusteko aukera ere ematen die”.

Irun, 2026ko maiatzaren 15a.-Irungo Bidasoa LHIIko ikasle talde batek MUGI birtuala probatzeko aukera izan du ostiral honetan bere gailu mugikorretan eta web orrian, Gipuzkoako Garraioaren Lurralde Agintaritzak (GGLA) antolatutako jardunaldi batean, non garraio-txartela modalitate birtualean erabiltzean gazte horien iritziak zuzenean ezagutzeko aukera eman den.

Azahara Domínguez GGLAko presidenteak adierazi duenez, Telekomunikazio eta Informatika Sistemen Goi Mailako eta Telekomunikazio Instalazioen Erdi Mailako 30 ikasle inguruk parte hartu dute MUGI birtualaren proba pilotu honetan. MUGI birtuala neguan ezartzea aurreikusten da, sistema osatzen duten operadore guztiek balidagailuak berritu ondoren.

"Orain arte probak egin dira autobusen balidagailuetan, baina ez app eta webgunean", adierazi du Azahara Dominguezek. Test horretan, gazteek beren telefono mugikorretatik esperimentatu ahal izan dute ordainketa digitaleko sistema berri horren funtzionamendua formatu horietan. "Ekimenari esker, ahalik eta modurik errealenean birsortu ahal izan da MUGI txartel fisikoa bertsio birtualera migratzeko prozesua eta haren ondorengo erabilera, eta gazteek beren sentsazioak, balorazioak eta hobekuntza-proposamenak partekatu dituzte, balio handiko feedbacka emanez behin betiko ezarri aurretik zerbitzua hobetzen jarraitzeko", adierazi du Azahara Domínguezek, eta gogorarazi du gazteak direla "teknologia berriekin eta ordainketa birtualarekin gehien ezagutzen duten kolektiboa".

"Gazteek asko irakatsi ahal digute gailu digitalekin zerikusia duen guztian, natibo digitalak direlako eta tresna horiekin oso modu naturalean ibiltzen direlako. Horregatik, guretzat garrantzitsua zen haien ezagutza, esperientzia eta trebetasunak kontuan izatea, MUGI birtuala hobetzen laguntzeko eta sistemak dauden beharrei benetan erantzutea lortzeko, behin martxan dagoenean", gaineratu du Azahara Domínguezek eta zehaztu du proba hau kolektibo gehiagorekin egingo dela.

Gainera, egun osoan zehar, GGLAk MUGI stand bat jarri du ikastetxean. Bertan, ikasleek txartel berriak eskatu ahal izan dituzte, dagoeneko badituztenak kargatu ahal izan dituzte eta MUGI sistemari buruzko informazioa jaso dute.

"Gipuzkoan azken urteotan garraio publikoaren alde egin dugun apustu iraunkorra emaitza oso positiboak ematen ari da. Mugikortasun eskuragarriagoa eta iraunkorragoa sustatzeko bultzatutako neurriei esker, nabarmen handitu da MUGIren erabilera; izan ere, 2025ean, sistema osatzen duten operadoreek 92 milioi bidaiako muga gainditu zuten lehen aldiz. Hazkunde horrek erakusten du, alternatiba erabilgarri, eraginkor eta erakargarriak eskaintzen direnean, herritarrek erantzun egiten dutela eta mugikortasun-ohitura iraunkorragoak hartzen dituztela ", adierazi du Azahara Domínguezek. Bere ustez," funtsezkoa da belaunaldi berrien artean garraio publikoan oinarritutako mugikortasun-kultura sortzen jarraitzea, gaur hartuko ditugun erabakiek eragin zuzena izango baitute etorkizunean eraiki nahi dugun lurralde-ereduan". "Ingurumenean egiten duen ekarpenaz gain, garraio publikoa funtsezko tresna da Gipuzkoan aukera-berdintasuna bermatzeko. Gazteen kasuan, ziurtatu behar dugu beren ikasketa- edo lan-zentroetara modu autonomoan joan ahal izango direla, hirugarrenen mende egon gabe, ibilgailu pribaturik izatera behartuta egon gabe, eta non bizi diren eta beren gaitasun ekonomikoa beren bizi-proiektua garatzeko muga izan ez dadin; horregatik, garrantzitsua da MUGIk eskaintzen dituen abantaila eta onura guztiak ezagutzea ", ondorioztatu du.

Bestalde, ikastetxeko zuzendari Juncal Amunarrizek "oso interesgarritzat" jo du jardunaldia, "gure ikasleek ikastetxean egunero lan egiten dutenaren aplikazio praktikoa bizi izan baitute. Eta ikasten ari diren zikloen etorkizuna zein den ikusteko aukera ere ematen die ", adierazi du, eta ikastetxea aurrematrikula-prozesuan dagoela gogorarazi du.

• Azahara Domínguez presidenteak azaldu duenez, MUGIrekin lotutako izapideak egiteko bulegoetara hurbiltzen diren pertsonen kopurua gero eta handiagoa izatea ahalbidetuko duen espazio bat bilatzen da, jendea modu erosoagoan artatzeko.

• Azahara Domínguez, Gipuzkoako Garraioaren Lurralde Agintaritzaren presidentea: “Garraio publikoaren erabilerari dagokionez, maximo historikoetan gaude. Ez bakarrik 2025ean 92,1 milioi bidaiaren muga igaro genuelako MUGI osatzen duten operadoreetan, baizik eta gero eta gehiago direlako Estatu osoan erreferentziazko tarifa-sistema integratu horri atxikitako operadoreak. Horrek esan nahi du gure bulegoek MUGIrekin lotutako izapideren bat egin behar duten pertsonen bolumen handiagoa jasaten dutela urtero, eta, beraz, uste dugu iritsi dela beste kokapen bat bilatzeko unea, pertsona horiei guztiei ahalik eta arreta onena emateko.”.

Donostia, 2026eko maiatzaren 13a.-Gipuzkoako Garraioaren Lurralde Agintaritzak (GGLA) egoitza aldatu nahi du, egunero bulegoetara MUGI sistemarekin lotutako izapideak egitera hurbiltzen diren pertsonei "hobeto eta modu erosoagoan arreta emateko". Izan ere, pertsona kopuru horrek gora egin du azken hilabeteetan.

Bere presidenteak, Azahara Domínguezek, Mugikortasuneko, Turismoko eta Lurralde Antolaketako diputatua ere denak, jakitera eman duenez, GGLA lokal berri baten bila hasi da, Donostiako Easo kalean dauden egungo instalazioak modernizatu ez ezik, herritarrei aurrez aurreko arreta hobea emateko ere, "Gipuzkoan garraio publikoa gero eta gehiago erabiltzen baita".

"Garraio publikoaren erabilerari dagokionez, maximo historikoetan gaude. Ez bakarrik 2025ean 92,1 milioi bidaiaren muga igaro genuelako MUGI osatzen duten operadoreetan, baizik eta gero eta gehiago direlako Estatu osoan erreferentziazko tarifa-sistema integratu horri atxikitako operadoreak. Horrek esan nahi du gure bulegoek MUGIrekin lotutako izapideren bat egin behar duten pertsonen bolumen handiagoa jasaten dutela urtero, eta, beraz, uste dugu iritsi dela beste kokapen bat bilatzeko unea, pertsona horiei guztiei ahalik eta arreta onena emateko", adierazi du Azahara Domínguezek, eta gogorarazi du iaz MUGIren bulegoetan 20.000 pertsona baino gehiagori eman zitzaiela arreta aurrez aurre, 2024an baino % 11,7 gehiago.

GGLAko presidenteak aitortu duenez, Easo kaleko bulegoak, hamarkada batez baino gehiagoz herritarrei zerbitzua eman dietenak, "zaharkituta geratzen ari dira, eta, beraz, kokapen berri bat bilatzen ari gara, langileen lan-baldintzak eta erabiltzaileen esperientzia hobetu ahal izateko". "Zerbitzua modu erosoagoan eta hurbilagoan eskaini ahal izateko bulego berri bat nahi dugu", gaineratu du Domínguezek.

GGLAko presidentearen ustez, "egoitza aldaketa hori urrats garrantzitsua izango da MUGI sistema herritarrengana are gehiago hurbiltzeko eta eskaintzen ditugun zerbitzuak mugikortasun-behar berrietara egokitzeko eta, horrela, garraio publikoaren erabilera historikoko une batean arreta publikoa indartzeko", eta ziur agertu da lokal berria "datozen hilabeteetan" errealitate izan daitekeela. Hala ere, diputatuak gogorarazi du azken hilabeteetan MUGI arreta-guneen sarea zabaltzen ari dela lurralde osoan. Martxoaz geroztik, txartelak Ataungo eta Albizturko udaletan eta Gipuzkoako 18 bulego eta baliabide turistikotan eskatu eta kargatu daitezke, eta apirilaren erdialdetik aurrera, Beizamako udaletxean ere eskaintzen da.

• Azahara Domínguez Gipuzkoako Garraioaren Lurralde Agintaritzako presidenteak azaldu duenez, hala nahi duten bizilagunek herriko udaletxean eskatu eta kargatu ahal izango dituzte txartelak apirilaren 20tik aurrera.

• Puntu berri hau MUGI sarera egindako azken sarrerei gehitzen zaie, hala nola, Ataungo eta Albizturko udaletxeei, edo lurraldeko 18 bulego eta baliabide turistikoei, non joan den martxotik izapide horiek egin daitezkeen.

• Azahara Domínguez, Mugikortasuneko, Turismoko eta Lurralde Antolaketako diputatua eta GGLAko presidentea: "MUGI oso ezarrita dago Gipuzkoan: garraio publikoan egiten diren hamar joan-etorrietatik bederatzi inguru txartel honekin ordaintzen dira. Hala ere, badakigu aurrera egiten jarraitu behar dela, sistema hori herritarrengana gehiago hurbiltzeko, batez ere udalerri txikienetan. Beizamako Udalarekin lankidetzan aritzea beste urrats bat da garraio publikoa sustatzeko konpromisoan, herritarren eskura zerbitzu hurbilagoa, irisgarriagoa eta haien beharretara egokitua jartzen baitugu. Akordio horri esker, bizilagunek MUGI txartela eskatu eta kargatu ahal izango dute beren udalerrian, lekuz aldatu beharrik gabe".

• Pedro Mari Otaegi, Beizamako alkatea: “Beizama bezalako udalerri txikietan, funtsezkoa da oinarrizko zerbitzuak bertan eskaintzea eta herritarren eskura jartzea. MUGI txartela eskatu eta kargatzeko gune berri honek joan-etorriak saihesten ditu eta gure herritarren benetako behar bati erantzuten dio”.