DBUSek, Gipuzkoako Garraioaren Lurralde Agintaritzak, Iparraldeko Euskal Hirigune Elkargoko Mugikortasun Sindikatuak, Bidasoa-Txingudi Mugaz-gaindiko Partzuergoak eta Hendaia eta Irungo udalerriek 2018an hasitako E-MOBASK eta SMARTMOB proiektuen emaitzak eta fruituak aurkeztu dituzte Hendaian (Lapurdin). Helburu nagusia da Baiona eta Donostia arteko lurraldean eta Txingudiko badian garraio publikoaren erabilera sustatzea.
Ba al dakizu Zuk Zeuk Lehiaketa zer den? Feel My Way Kooperatibak eta Euskadiko 7 eragile erreferentek, tartean Gipuzkoako Garraioaren Lurralde Agintaritzak, elkarlanean antolatzen dugun ekimena da!
- ‘Joan-etorriak’ lelopean, Gipuzkoako Garraioaren Lurralde Agintaritzak garraio publikoaren erabilera sustatu eta balioan jarri nahi du.
- Garraio publikoaren erabileraren inguruko hausnarketa egitera eraman nahi gaituen Agertoki Ibiltaria, Gipuzkoan barrena.
- Epeak betetzen badira, 8-9 hilabeteko garapen epea, gipuzkoarrek 2022ko udan Bilboko metroan MUGI txartela erabili ahal izango dute.
Atzo ospatutako Gipuzkoako Garraioaren Lurralde Agintaritzako (GGLA) batzar orokorrak Oñatiko Udala GGLAko kide izatea onartu ondoren, gaur, uztailaren 1ean, Oñatiko hiribusa MUGI sisteman sartuko da.
GGLAko zuzendari nagusia den Eluska Renedo-Illarregik parte hartuko du Global Mass Transitek “Europako garraio-bidaia txartelak eta ordainketa moduak” izenburupean antolatu dituen hitzaldi eta jardunaldietan.
Jardunaldiak maiatzaren 5ean eta 6an burutuko dira, 9:30etik 16:00etara; aurten, modu telematikoan, pandemia egoera dela eta. Eta jardunaldien helburua honakoa da: Europan sistemen industrian sortzen ari diren joerak eztabaidatzea; martxan jarri diren kasu ezberdinak aztertzea; jardunbide onenak ikertzea; berrikuntza teknologikoak eta aukerak aztertzea; giltzarri diren erronkei irtenbideak bilatzea; eta Europan aurrera egiteko bide zuzena zein den eztabaidatzea.