Loiuko aireportuarekin konektatzen duten Lurraldebuseko lineak 17 eurotik 3,35 eurora pasako dira Mugi pertsonalizatuarekin, martxoaren 18an zerbitzu hori Mugi sisteman sartu ondoren

Asteazken honetatik, martxoaren 13tik, Mugirekin autobus txartela eros daiteke martxoaren 18rako eta hurrengo egunetarako; datorren astelehenetik aurrera (hilak 18), berriz, txartelak in situ erosi ahal izango dira autobusean, Mugirekin horrekin ordainduta.

2024/03/13 MUGIKORTASUNA

Loiuko aireportuarekin konektatzen duten Lurraldebuseko lineak Mugi sisteman sartuko da martxoaren 18tik aurrera; linea horrek 350.000 erabiltzaile baino gehiago izan ditu 2023an. Asteazken honetatik, martxoaren 13tik, Mugirekin zerbitzu hauen txartela eros daiteke martxoaren 18rako eta hurrengo egunetarako; datorren astelehenetik aurrera (hilak 18), berriz, txartelak in situ erosi ahal izango dira autobusean, Mugirekin ordainduta.

Horrela, erabiltzaileek beherapen handiak lortuko dituzte txartelaren prezioan. "Donostiatik aireportura bidaiatzen duen pertsona batek, urtarrilean onartutako % 50eko hobariekin, 3,35 euro ordainduko ditu Mugi txartel pertsonalizatuarekin, 4,39 euro Mugi anonimoarekin, eta Mugi gabeko txartelak, berriz, 12,90 euro, egungo 17 euroen aldean. Bestalde, Zarauztik bidaiatzen dutenek Mugi txartel pertsonalizatuarekin egin ahal izango dute, 2,51 eurotik aurrera; Mugi anonimoarekin bidaiatzen dutenek, berriz, 3,28 euro eta Mugi txartelik gabe balio duten 9,65 euroak, egungo 14 euroen aldean. Azkenik, Debagoiena eta Debabarrena udalerrien eta aireportuaren arteko konexioek 1,94 euro balioko dute Mugi pertsonalizatuarekin, 2,53 euro Mugi anonimoarekin eta 7,45 euro Mugi gabe, egungo 12, 10 eta 8 euroren aldean Arrasatetik, Bergaratik eta Eibarretik hurrenez hurren", adierazi du Azahara Dominguez Mugikortasuneko, Turismoko eta Lurralde Antolaketako diputatuak.

“Aireporturako linea Mugi sisteman sartuta, zerbitzu hori ez da berezitzat hartzen txartelak erosteari dagokionez; beraz, jada ezin izango da bidaiatu erositako txartelari ez dagokion bidaldietan, orain arte gertatzen zen bezala. Hilaren 18tik aurrera, txartela erosi den bidaia jakin horretarako soilik erabili ahal izango da, eta, ez bada hala egin behar, baliogabetu egin beharko da horretarako ezarritako epean” jakinarazi du diputatuak.

Halaber, Loiuko aireportuko autobusa Mugi sisteman sartzearekin batera, pandemia garaian abian jarri zen Lurticket aplikazioa bertan behera geldituko da, eta, ondorioz, txartelak soilik eskuratu ahal izango dira leihatilan, autosalmentako makinetan, web orrian eta autobusean bertan Mugi txartelaren bidez.