MUGI tarifa sistema

 

2013 martxoaren 4tik aurrera, tarifa bateratuko sistema bat dugu Gipuzkoan: MUGI sistema

MUGI sistemari esker, ordaintzeko euskarri bakarra erabiliko da garraiobide guztietan; hau da, txartel bakar batekin Gipuzkoako garraio publiko guztietan bidaiatu ahal izango da.

 

 

 

Zer abantaila eskaintzen ditu?

• Ordaintzeko modu bateratua: txartel bakarra garraiobide guztietarako.
• Tarifa-sistema eta eremuak bereizteko sistema bateratuak: kostu berbera garraiobide ezberdinetan egindako bidaietarako, eta tarifa bateratuak eremu-aldaketaren bat barne hartzen duten ibilbideetarako.
• Erabileraren araberako deskontuak: zenbat eta gehiago erabili garraio publikoa, orduan eta merkeagoa izango da bidaiaren kostua.
• Doako ontzi-aldaketak: bidaia garestiena bakarrik ordaintzen da.
• Txartel hobaridunak: baldintza zehatzak bete behar dira horietako txartel bat edukitzeko.

 

MUGI sistemaren helburua da garraio publikoa gehien erabiltzen duten herritarrak saritzea; eta, horregatik, erabiltzaile horiek deskontu handiagoak izango dituzte. Hiru erabilera-tarte ezarri dira, eta tarte bakoitzari deskontu jakin bat dagokio:

• 1 – 20 bidaia: % 70ko deskontua noizbehinkako txartelaren aldean.
• 21 – 50 bidaia: % 75ko deskontua noizbehinkako txartelaren aldean.
• 51 bidaia edo gehiago: % 94ko deskontua noizbehinkako txartelaren aldean. Gaztea kolektibokoek doan bidaiatuko dute bidaia-tarte honetan.